Granit Xhaka është duke kaluar nëpër një formë kulmore të karrierës.
Ylli kosovar po shkëlqen në fanellën e Arsenalit, me të cilin është në rrugë të mbarë për ta fituar titullin e kampionit të Anglisë.
Ndërkohë, e udhëhoqi Zvicrën në nisjen me këmbë të mbarë të kualifikimeve për Euro 2024 në fitoren e thellë, 5:0 ndaj Bjellorusisë.
30 vjeçari në fakt ka shënuar gol në tri ndeshje radhazi, gjë e cila nuk i kishte ndodhur kurrë më parë në karrierë.
Fillimisht, ai realizoi në Ligën e Evropës kundër Sporting Lisbonës më 16 mars, ndërsa më pas në fundjavën e 19 marsit e gjeti prapë rrjetën në fitoren kundër Crystal Palacet.
E të shtunën, Xhaka sërish ishte protagonist duke e realizuar njërin nga pesë golat e “Helvetikëve” në Novi Sad.
“Tre gola në tri ndeshje për Granitin. Mesfushori ynë ia doli të shënojë për Zvicrën gjatë fundjavës”, ka shkruar Arsenali në rrjetin social, “Instagram”.
Xhaka synon të vazhdojë me formë të njëjtë këtë vit duke arritur suksese me “Gunners” dhe duke e kualifikuar Zvicrën në Evropianin e Gjermanisë.
© SYRI.net
Mori dy kartonë të verdhë, por nuk doli me të kuq, rregulli i rrallë që la në fushë portierin Emiliano Martinez
Europa League, shansi i fundit i Milanit për të fituar trofe këtë vit
Thirrjet raciste të tifozëve të Barcelonës ndaj Dembele, PSG ankohet në UEFABëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
