Fiton 17 milionë euro në vit, por Conte preferon të udhëtojë me klasin ekonomik në avion

Fiton 17 milionë euro në vit, por Conte preferon të udhëtojë me klasin ekonomik në avion

17:43, 21/03/2023

Trajneri i Tottenhamit, Antonio Conte e shfrytëzoi pushimin ndërkombëtar për të udhëtuar nga Londra në Torino dhe shumë janë të kënaqur me mënyrën se si e bëri këtë.

Conte, i cili është nën kritikat e tifozëve të Tottenhamit pas një konference për shtyp ku fajësoi lojtarët për rezultatet e dobëta, vendosi të vizitojë të afërmit e tij në Itali dhe vendosi të përdorë shërbimet e linjës ajrore me kosto të ulët Ryanair.

Trajneri italian fiton 17 milionë euro në vit te Tottenham, ndaj pasagjerët e klasit ekonomik të Ryanair u befasuan kur panë pranë tyre strategun e skuadrës londineze.

Shumë janë të kënaqur me lëvizjen e multimilionerit, i cili, pa asnjë dyshim, mund të kishte blerë edhe një avion privat, por vendosi të fluturojë me një kompani me kosto të ulët.

Meqë ra fjala, stoli i Contes te Tottenham po “dridhet” pas konferencës së fundit për shtyp, kur në një fjalim dhjetë minutësh pas ndeshjes, ai kritikoi ashpër lojtarët, duke i akuzuar ata për mungesë angazhimi në sytë e tyre dhe se shpirti i tyre kolektiv ka shkuar mbrapsht.

Ai theksoi se fajin e kanë vetë lojtarët që klubi nuk ka fituar asnjë trofe prej 15 vitesh dhe jo drejtuesit dhe trajnerët e klubit që u ulën në stol para tij. Këto fjalë mund t'i kushtojnë atij punën e tij në fund të sezonit.

 

 

 

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

>
Denonco