Raphaël Varane vendosi të tërhiqej nga kombëtarja franceze në moshën 29-vjeçare. Mbrojtësi i Manchester United, fitoi Kupën e Botës (2018) me “Gjelat”, teksa në Katar 2022 u shpall nënkampion bote.
93 ndeshje dhe 5 gola janë statistikat e qendërmbrojtësit nga Lille me kombëtaren europiane, fanellën e së cilës e veshi për herë të parë në marsin e vitit 2013 (Francë-Gjeorgji 3-1).
“Sa herë që kam veshur këtë fanellë të veçantë kam ndier krenari të pamasë. Përfaqësimi i vendit tonë madhështor për një dekadë ka qenë një nga nderimet më të mëdha të jetës sime.
Jam menduar gjatë dhe kam vendosur të tërhiqem nga futbolli ndërkombëtar”, u shpreh Varane gjatë lamtumirës së tij me Francën.
Në një prononcim për Canal +, mbrojtësi i njohur, i cili fitoi gjithçka me Realin e Madridit, shpjegoi arsyet e këtij vendimi.
“Sinqerisht që kam dhënë gjithçka, fizikisht dhe psikologjikisht. Kemi orare dhe një kalendar të mbingarkuar. Luajmë gjithmonë, pa pushuar kurrë.
Për momentin më duket sikur po mbytem. Më saktë, më duket sikur futbollisti Varane po e mbyt njeriun Varane”, deklaroi lojtari i United.
© SYRI.net
Sot përcaktohen dy skuadrat e para gjysmëfinaliste të Champions League
Braktisi Serbinë dhe zgjodhi të luante për Kosovën, mediat serbe sulmojnë futbollistin
Lazio cakton çmimin e kartonit të Luis AlbertosBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
