Manchester United i bashkohet Newcastle United në finalen e Carabao Cup pasi fitoi edhe sfidën e kthimit përballë Nottingham Forest me rezultatin 2-0.
“Djajtë e Kuq” ishin me një hap në finale pas triumfit në javën e kaluar 0-3 në ”City Ground”, megjithatë nuk u mjaftuan vetëm me suksesin jashtë fushës teksa argëtuan dhe të pranishmit në ”Teatrin e Ëndrrave” me një paraqitje impresionuese.
Trajneri holandez, Erik ten Hag, nuk bëri rotacion në 11-shen e parë, ndërsa ndeshja gjysmëfinale u ndoq edhe nga afrimi më i ri, Marcel Sabitzer, në shkallët e stadiumit.
Pavarësisht se e kontrolluan pjesën e parë të takimit, madje i shkuan pranë golit të avantazhit edhe me Wout Weghorst në minutën e 45′, fraksioni hapës u mbyll pa gola.
Ndërsa në të dytën, gjithçka ndryshoi pasi u aktivizuan Rashford, Martial dhe Sancho, me këtë të fundit që luajti ndeshjen e parë që nga muaji tetor.
Anthony Martial zhbllokoi shifrat në minutën e 73′ pasi përfitoi nga një top jo i larguar sic duhet në zonë ndërsa vetëm tre minuta më pas Fred dyfishoi shifrat me portën e boshatisur. Kjo do të jetë finalja e parë e EFL Cup për Man.Utd që nga viti 2017, kohë kur fitonin ndaj Southamptonit.
Ndërsa me 26 shkurt llogaritë do t’i ndajnë me Newcastle United në finale, një takim i cili paraqet mundësinë ideale për Djajtë e Kuq që të fitojnë trofeun e parë pas 6 vitesh.
© SYRI.net
Derbi 'gjymton' Milanin, tre mbrojtës titullarë mungojnë ndaj Juves në fundjavë
Historike/ Interi shpallet kampion i Italisë në derbin me Milanin
E thotë ish-sulmuesi i Bayernit: Neuer në të njëjtin nivel me MesinBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
