Hakim Zyiech ra dakord për transferimin në Paris Saint-Germain, u nis për në Paris dhe priti që Chelsea të dërgonte të gjitha dokumentet e nevojshme që do t’i mundësonin të bëhej shok skuadre me Lionel Messin, Neymar, Kylian Mbappe deri në fund të sezonit.
Ngjarje të çuditshme pasuan, pasi për shkak të skenave të minutave të fundit të afatit kalimtar, marrëveshja huazimi dështoi.
Klubet ishin ende duke negociuar kur Ziyech iu nënshtrua testeve mjekësore në Paris dhe po priste dokumentacionin që do të konfirmonte huazimin e tij nga Chelsea deri në fund të sezonit.
Gazetarët francezë zbuluan se Chelsea dërgoi dokumentin e firmosur gabimisht, shkuan për të korrigjuar gabimin pas një paralajmërimi nga PSG dhe më pas i dërguan letrat gabimisht edhe një herë. Pasoi një përpjekje e tretë dhe përsëri i njëjti gabim.
Në Paris thuhet se janë nervozuar dhe po përgatisin një ankesë në shoqatën e Premierligës Franceze. Kur Chelsea dërgoi dokumentacionin e rregullt, afati kalimtar tashmë kishte përfunduar.
PSG tani pritet të nisë një apel në përpjekje për të përfunduar transferimin pas afatit. Chelsea, i cili ka finalizuar një marrëveshje për Enzo Fernandez, ende nuk ka komentuar mbi këtë çështje. Kjo sagë mund të zhurmojë për ditët në vijim.
Një burim i PSG-së e ka përshkruar situatën si një “cirk të klasit A” për The Athletic . Ziyech pritej të përfundonte një transferim larg Chelsea në janar pasi kishte nisur vetëm katër ndeshje në Premier League këtë sezon. Ai nuk ka shënuar asnjë gol për klubin që nga marsi i kaluar.
© SYRI.net
Mourinho kritikon Manchester United: Ka ende lojtarë që unë nuk i doja 6 vite më parë
Policia zbarkon në stadiumin e klubit anglez, arrestohen dy futbollistë me akuzën për përdhunim
Të gjithë të çmendur pas talentit shqiptar, disa skuadra të Serisë A duan Kristian ShpendinBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
