Portieri gjerman Manuel Neuer theu këmbën gjatë skijimit pas Kupës së Botës në Katar dhe dy muaj më vonë Bild publikoi detaje të reja të aksidentit të 36-vjeçarit.
Ngjarja mund të kishte shkuar shumë më keq për Neuer duke pasur parasysh se ishte një frakturë e hapur e fibulës, e cila i shkaktoi gjakderdhje të madhe dhe ai u shpëtua nga parzmoret e cilësisë së lartë.
Ai ishte gjithashtu me fat që helikopteri i emergjencës ndodhej pranë resortit të skijimit ku mbeti i plagosur dhe për këtë arsye arriti shumë shpejt në sallën e operacionit.
Kështu u evituan komplikacionet e mundshme dhe ënjtjet dhe portieri i njohur është ende në rehabilitim, të cilin, siç thuhet, po e kalon mirë.
Neuer sigurisht që nuk do të luajë këtë sezon, prandaj Bayerni e gjeti zgjidhjen tek zvicerani, Yann Sommer, i ardhur nga Borussia Monchengladbach.
Meqë ra fjala, Neuer u përball me shumë kritika pas dëmtimit të rëndë. Një prej tyre ia dërgoi ish-lojtari i Bayernit, Markus Babbel, i cili e akuzoi për joprofesionalizëm.
"Së pari, i uroj shërim të shpejtë. Nuk e kam të qartë se si ndodhi. Të gjithë e dinë se sa i rrezikshëm mund të jetë skijimi. Kontratat e lojtarëve shpesh përfshijnë një klauzolë që e ndalon nga sportet e caktuara, duke përfshirë edhe skijimin në kushte të vështira. Prandaj u befasova shumë. Nëse do të ishte në kontratë, atëherë nuk e kuptoj fare. Do të prisja më shumë profesionalizëm prej tij", tha Babbel.
© SYRI.net
Thirrjet raciste të tifozëve të Barcelonës ndaj Dembele, PSG ankohet në UEFA
Superkompjuteri zbulon skuadrën favorite për të fituar Champions League
Pioli: Ndeshja e parë nuk vlen më, e kemi aftësinë për të përmbysur RomënBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
