Një gazetar i njohur i futbollit nga Shtetet e Bashkuara të Amerikës ka ndërruar jetë teksa mbulonte Kupën e Botës në Katar.
Grant Wahl, 48 vjeç, u rrëzua papritur teksa po shikonte ndeshjen Argjentinë-Holandë të premten në mbrëmje.
Raportet e hershme sugjerojnë se ai pësoi "shqetësim akut", por kjo ende nuk është konfirmuar zyrtarisht.
Muajin e kaluar, Wahl u arrestua shkurtimisht nga autoritetet e Katarit pasi u përpoq të hynte në një stadium i veshur me bluzë ylberi, në mbështetje të të drejtave LGBT.
Në një deklaratë, Federata e Futbollit të SHBA tha se ishte "zemërthyer" nga lajmi.
Vëllai i tij, Eric Wall, shprehu dyshimet e tij:
“Vëllai im ishte i shëndetshëm. Ai më tha se kishte marrë kërcënime për jetën. Nuk mund ta besoj që vëllai im vdiq kështu. Besoj se e vranë. ”, tha ai në një video të postuar në Instagram.
Federata Amerikane e Futbollit ka lëshuar një deklaratë në të cilën deklarohet e shkatërruar nga humbja e parakohshme e gazetarit dhe i shpreh ngushëllimet familjes së të ndjerit.
© SYRI.net
Bëje LIKE dhe merr lajmin e fundit nga Sporti: