Ndonëse gjatë fazës së grupeve të Kupës së Botës në Katar kemi parë shumë vende bosh nëpër stadiume, të dhënat zyrtare të FIFA-s thonë krejt të kundërtën.
Numri i përgjithshëm i frekuentimit në 48 ndeshjet e para të Kupës së Botës në Katar ishte 2.45 milionë shikues, që është sa 96 përqind e kapacitetit të stadiumit, njoftoi FIFA.
Kjo do të thotë se Botërori i Katarit është më i ndjekur se ai i mëparshmi në Rusi, ku 2.17 milionë shikues e ndoqën fazën e grupeve të kompeticionit në stadiume.
Ndeshja më e ndjekur në fazën e grupeve në Katar ishte mes Argjentinës dhe Meksikës, e cila u ndoq nga 88.966 shikues në stadiumin Lusail.
FIFA njoftoi gjithashtu se më shumë se një milion tifozë vizituan Festivalin e Fanave në Al Bidda Park.
© SYRI.net
Bëje LIKE dhe merr lajmin e fundit nga Sporti: