Federata e Futbollit të Iranit ka kërkuar sot dorëheqjen e Jurgen Klinsmann, anëtar i komitetit teknik të Federatës Botërore të Futbollit (FIFA), pas një komenti në të cilin ai akuzoi iranianët se kanë ndikuar te arbitrat gjatë ndeshjes kundër Uellsit (2-0).
"Është qëllimisht, nuk është rastësi. Është pjesë e kulturës së tyre, kështu luajnë ata. Sulmojnë gjyqtarin, gjyqtarin e linjës, gjyqtarin e katërt... Për shkak të tyre, përqendrimi juaj bie," tha Klinsmann për BBC të martën.
Deklaratat e Klinsmann zemëruan trajnerin iranian Carlos Queiroz, i cili i cilësoi si një turp për futbollin
“Këto komente për kulturën iraniane, kombëtaren dhe lojtarët e mi janë një turp për futbollin”, i është përgjigjur Queiroz -Klinsmann në Twitter.
Carlos Queiroz has labelled comments made by Jurgen Klinsmann about Iran 'a disgrace to football' #FIFAWorldCup
— talkSPORT (@talkSPORT) November 27, 2022
"Në të njëjtën kohë me konsiderata të ndryshme fatkeqe në lidhje me ekipin kombëtar të Iranit dhe stërvitjen e tij, Klinsmann shprehu një mendim për kulturën iraniane. Federata iraniane e Futbollit tashmë i ka kërkuar FIFA-s sqarime dhe ka kërkuar një falje dhe dorëheqje nga Klinsmann," tha Federata e Futbollit iranian në një deklaratë sot.
Ata gjithashtu e ftuan Klinsmann të vizitojë kampin stërvitor të iranianëve në Katar në mënyrë që të ketë një pasqyrë të historisë persiane disa mijëra vjeçare dhe vlerën e futbollit dhe sportit.
© SYRI.net
Bëje LIKE dhe merr lajmin e fundit nga Sporti: