Polonisë ka triumfuar me rezultatin e pastër 2-0 ndaj Arabisë Saudite, në sfidë e vlefshme për raundin e dytë të Kupën e Botës, duke marrë kryesimin e grupit C.
Loja nis vrullshëm me skuadrat që provuan të surprizojnë kundërshtarin, por pa arritur të shkonin tek goli. Për të ardhur tek goli, duhet të prisnim minutën 39-të, kur Zielinski tundi rrjetën e kundërshtarëve.
Në minutën e 45’ sauditët patën një mundësi të artë për të barazuar, pasi arbitri akordoi penallti pas ndërhyrjes së VAR.
Mirëpo, portieri i polakëve Szczesny ishte në formë mjaft të mirë, duke arritur të ndal penalltinë Al Dawsari dhe gjuajtjen e Al Breik. Me këtë rezultat u mbyll pjesa e parë e takimit.
Në fillim të pjesës së dytë, sauditët patën dy raste të shkëlqyera. Fillimisht, Szczesny ndali goditjen e Al Dawsarit dhe më pas Al Buraikan bëri një goditje të fuqishme, por gjuajti jashtë.
Më pas polakët goditën dy herë shtyllën e portës. Fillimisht Milik goditi traversën me kokë dhe më pas Lewandowski tundi shtyllën.
Megjithatë, tetë minuta para përfundimit të ndeshjes, Lewandowski shënoi finalen 2-0. Sulmuesi i Barcelonës ia rrëmbeu topin Al Malkit 16 metra larg portës dhe më pas e futi lehtësisht në rrjetë për golin e tij të parë në Kupën e Botës.
Me fitoren e sotme Polonia kalon Arabinë Saudite dhe zë vendin e parë në Grupin C. Polakët kanë katër pikë, kurse sauditët tre pikë. Ndeshjen e mbetur të xhiros së dytë të Grupit C e luajnë Meksika (një pikë e fituar) dhe Argjentina (pa pikë). Në xhiron e fundit Polonia do të luajë kundër Argjentinës dhe Arabia Saudite me Meksikën.
© SYRI.net
Mourinho kritikon Manchester United: Ka ende lojtarë që unë nuk i doja 6 vite më parë
Policia zbarkon në stadiumin e klubit anglez, arrestohen dy futbollistë me akuzën për përdhunim
Të gjithë të çmendur pas talentit shqiptar, disa skuadra të Serisë A duan Kristian ShpendinBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
