Distria Krasniqi po vazhdon me formë fantastike sot në Kampionatin Botëror që po mbahet në Tashkent të Uzbekistanit.
Kampionja olimpike triumfoi me waza-ari në çerekfinale ndaj xhudistes mongoleze, Khorlooodoi Bishrelt.
Një pikë në fillim të meçit i mjaftoi xhudistes kosovare të kualifikohet në gjysmëfinale të Botërorit në kategorinë deri në 52 kilogramë.
Në gjysmëfinale, Distria do të përballet me xhudisten nga Britania e Madhe, Chelsie Giles.
Giles është medaliste e bronztë e Lojërave Olimpike të Tokyos, kurse së fundmi u shpall kampione e Evropës në kategorinë deri në 52 kilogramë.
© SYRI.net
Bëje LIKE dhe merr lajmin e fundit nga Sporti: