Mane kërkon edhe pak kohë të ambientohet te Bayerni: Nuk është e lehtë të ndryshosh klub

Mane kërkon edhe pak kohë të ambientohet te Bayerni: Nuk është e lehtë të ndryshosh klub

09:17, 04/10/2022

Sadio Mane  transferua gjatë merkatos së verës nga Liverpool te Bayern Munchen. Një kalim i cili sigurisht në kampin e bavarezëve e pritën me entuziazëm, pasi të gjithë shpresonin që ish-lojtari i “The Reds” do të ishte zëvendësuesi ideal i Robert Lewandowskit, i cili u largua drejt Barcelonës.

Por ky fillim sezoni për senegalezin nuk ka qenë i mirë, pasi akoma sulmuesi nuk ka arritur të dhurojë gola në Bundesligë.

Në lidhje me këtë, vetë Mane ka dhënë një deklaratë për faqen zyrtare të UEFA-s ku ka kërkuar edhe pak kohë që të ambientohet me futbollin gjerman, pasi sipas tij nuk është aspak e lehtë të ndryshosh skuadër.

“Nuk është e lehtë të ndryshosh klub. Në Angli kam jetuar vite shumë pozitive, 2 te Southampton dhe 6 te Liverpool. Tani ndodhem në një shtet të ri dhe gjithçka ndryshon: njerëzit, skemat, gjithçka…

Nuk jam përshtatur akoma, e dija këtë gjë dhe nuk kam mbetur i habitur. Po ndodh siç e kisha parashikuar. Te Bayerni më kanë pritur shumë mirë dhe ndihem me të vërtetë i lumtur”, ka thënë sulmuesi.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

>
Denonco