Vala e grabitjeve, sulmeve apo tentativave për thyerje të banesave të sportistëve dhe personazheve të famshme vijon me vrull në Mbretërinë e Bashkuar.
I prekuri i fundit është Alex Oxlade-Chamberlain, shtëpia e të cilit në Wilmslow, që ndodhet në kontenë Cheshire, u grabit këtë të martë kur vetë futbollisti dhe familja e tij ishin të pranishëm.
Futbollisti i Liverpoolit është fejuar me Perrie Edwards, këngëtaren e grupit Little Mix, me të cilën ka një djalë pak më shumë se një vjeç.
Me sa duket, sipas “The Sun”, sulmuesit hynë në banesën e tij luksoze prej 4 milionë eurosh, ndërsa familja ndodhej në katin e poshtëm.
Ata morën sende me vlerë si bizhuteri dhe fatmirësisht futbollisti dhe familjarët e tij nuk janë lënduar.
Çifti, i terrorizuar, ka lajmëruar menjëherë policinë që po e heton ngjarjen.
“Është shumë e rëndë të mendosh se dikush ka qenë në shtëpinë tënde para se të kuptoje se çfarë po ndodhte. Është shumë shqetësuese. Dhe pa dyshim që u është thyer zemra, sepse kanë marrë shumë sende me vlerë, jo vetëm financiarisht”, tha një mik i të dyve për tabloidin britanik.
© SYRI.net
Al Khelaifi: Superliga? T’i japin fund kësaj ideje idiote
Sulmuesi i Kombëtares U-19 firmos kontratën e parë si profesionist
Ballkani-Prishtina, finalja e Kupës së KosovësBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
