Gjermania e mbylli në vendin e tretë fazën e grupeve të Nations League, duke shmangur rënien në Ligën B.
Katër herë kampionët e botës nuk po kalojnë një moment të mirë dhe kjo u pa qartë edhe në sfidën ndaj Anglisë.
“Panzerat” po udhëhiqnin me rezultatin 2-0, por në pak minuta e panë veten në disavantazh, pasi Anglia ia doli të rikthente rezultatin. Gjithsesi, Havertz barazoi dhe gjithçka mbyll 3-3.
Thomas Muller, lojtari më me eksperiencë i ekipit, menjëherë pas sfidës kërkoi që si shembull për ringritjen e kombëtares të merret Reali i Madridit.
“Ndoshta Reali i Madridit është shembull për ne. Kam luajtur me shumë trajnerë, përfshirë Carlo Ancelottin, i cili ka fituar shumë trofe. Kur gjërat nuk shkojnë mirë, gjithçka ka të bëjë me ringritjen dhe ruajtjen e besimit. Si shembull do të bënim mirë të ndiqnim këtë”.
Thomas Muller e njeh shumë mirë Ancelottin dhe mënyrën e tij të punës, pasi Italiani ka qenë në krye të skuadrës bavareze për më shumë se 1 vit, midis 2016 dhe 2017.
Ancelotti ia doli mbanë të fitonte Bundesligën, por dështoi në Champions League, ku u eliminua nga Reali i Madridit në çerekfinale.
© SYRI.net
Duka: FSHF, gjithmonë e gatshme të ndihmojë në investime për zhvillimin e futbollit të fëmijëve
I hiqen 18 pikë, ish-skuadra e Armando Brojës zbret një kategori më poshtë
Këshilltari Teknik Rajonal i FIFA-s për Europën, Tomas Danilivicius vizitë zyrtare në FSHFBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
