Nuk është një moment i thjeshtë ai që po kalon Juventusi i Massimiliano Allegrit. Pas humbjes së befasishme kundër Monzës, “Zonja e Vjetër” duhet të reagojë me kthimin në fushë pas ndeshjeve të kombëtareve.
Bardhezinjtë do të luajnë kundër Bolognas në kampionat, një ndeshje nga e cila mund të varet edhe e ardhmja e trajnerit livornez.
Jashtë fushës drejtuesit e klubit vazhdojnë të jenë të kujdesshëm për mundësitë që ofron merkato. Dhe mes ëndrrave të mëdha është akoma gjallë ajo e Toni Kroos, një nga shtyllat e Real Madridit.
Me kontratën që i skadon më 30 qershor 2023, e ardhmja e Kroos mund të mos jetë më te Real Madridi.
Kampioni gjerman i datëlindjes 1990, është një element shumë i rëndësishëm i ekipit të Ancelottit.
Megjithatë, oferta për rinovimin që Los Blancos i kanë bërë lojtarit duket se nuk e kënaq ish-yllin e Bayern Munchen.
Kontratë njëvjeçare është oferta e Perez, me Kroos që kërkon një marrëveshje të paktën deri në 2025-ën.
Një distancë kjo që mund t’i hapë rrugën një skenari të bujshëm verën e ardhshme, kur lojtari mund të lirohet me kosto zero dhe të transferohej diku tjetër për një aventurë të fundit të madhe në karrierën e tij.
Në radhë, tashmë prej vitesh, është Juventusi që e pëlqen shumë Kroos dhe do të donte ta merrte për të përforcuar një mesfushë që në javët e fundit ka treguar se është shumë në vështirësi.
Duhet bërë kujdes edhe ndaj Manchester Cityt të Pep Guardiolës, klubi në pole position për të siguruar firmën e mundshme të 32-vjeçarit gjerman.
Kroos, në këtë sezon, ka koleksionuar 8 ndeshje, me 2 asiste dhe 533′ në fushë nën drejtimin e Ancelottit mes La Ligas, Champions League dhe Superkupës së Europës.
© SYRI.net
Berat Gjimshiti zgjidhet ‘Lojtari i Javës’ në Europa League
Xhaka: Roma është skuadër Championsi, por në finale shkojmë ne
Zidane ka vendosur, ja klubi i madh që do të drejtojë pas tri sezonesh pushimBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
