Komisioni i Futsallit hap konkurs për referë të rinj

15:10, 09/08/2022

Komisioni i Futsallit, përmes një njoftimi, ka bërë të ditur se është hapur konkursi për referë të rinj në “futboll të vogël”.

Ky konkurs po bëhet pas rritjes së numrit të ekipeve pjesëmarrëse në gara të futsallit.

Vetë përgjegjësi i gjyqtarëve të futsallit, Përparim Hasani, e konsideroi të nevojshëm një hap të tillë i cili u miratua nga Komisioni i Gjyqtarëve.

Gjytqarët paraprakisht duhet t’i kenë parasysh disa kritere:

Mosha e pranuar prej 18 deri 24 vjeç,

Përparësi kanë personat që kanë luajtur apo luajnë ende futsall, dmth që janë aktiv.

Për detajet dhe dokumentacionin që duhet sjellë do të njoftoheni pas kontaktit përmes telefonit me Komisarin e gjyqtarëve të futsallit, Driton Preniqi, ku edhe do të njoftoheni për detajet për konkurrim për gjyqtarë.

Konkursi do të jetë i hapur nga data e shpalljes e deri më 30.8.2022. 

© SYRI.net

Lexo edhe:

• Duka: FSHF, gjithmonë e gatshme të ndihmojë në investime për zhvillimin e futbollit të fëmijëve
• I hiqen 18 pikë, ish-skuadra e Armando Brojës zbret një kategori më poshtë
• Këshilltari Teknik Rajonal i FIFA-s për Europën, Tomas Danilivicius vizitë zyrtare në FSHF