Uellsiani Gareth Bale shënoi golin e tij të dytë në ligën amerikane MLS, teksa mbrëmë ndaj Real Salt Lake tregoi se është ende në nivel të lartë dhe se lojtarët kundërshtarë vështirë se mund ta ndalojnë kur është në formë për të luajtur.
Los Angeles FC regjistroi një fitore si mysafir kundër Real Salt Lake me rezultat 4-1, teksa Bale shënoi në fund të ndeshjes. Por le të fillojmë me radhë.
Arango i jep epërsinë Los Angeles-it në minutën e nëntë, Cordova i kthen gjërat si në fillim vetëm tre minuta më vonë, por Acosta i rikthen avantazhin mysafirëve me gol në minutën e 17-të për 2-1. Ky ishte edhe rezultati i pjesës së parë.
Në minutën e 60-të Arango shënoi për 3-1 dhe më pas u kuptua se Los Angeles do të fitonte dhe do të merrte tre pikë dhe vetëm katër minuta më pas në lojë u fut Bale.
Luhej minuta e 87-të kur Bale mori një top në krahun e djathtë, larg portës së kundërshtarit, pas së cilës kaloi në mënyrë të pakapshme përtej dy lojtarëve kundërshtarë, doli para portierit në anën e djathtë dhe më pas shënoi me qetësi për 4-1.
Gareth Bale is cooking in LA 🔥 pic.twitter.com/aMDSaGOf6Q
— ESPN FC (@ESPNFC) August 7, 2022
Nga ana tjetër Lorenzo Insigne ka gjetur golin e parë në MLS me fanellën e Torontos. Italiani ndëshkoi skuadrën e Nashville në fitoren 4-3 në transfertë.
Insigne shtangu portierin e skuadrës vendase me një goditje në afërsi të zonës.
Lorenzo Insigne with his first MLS goal! 💥@TorontoFC double their lead on the road. pic.twitter.com/DHLxuGWSEu
— Major League Soccer (@MLS) August 7, 2022
Në këtë ndeshje realizoi edhe Federico Bernardeschi, i marrë pas largimit nga Juventusi, me penallti.
© SYRI.net
Mori dy kartonë të verdhë, por nuk doli me të kuq, rregulli i rrallë që la në fushë portierin Emiliano Martinez
Europa League, shansi i fundit i Milanit për të fituar trofe këtë vit
Thirrjet raciste të tifozëve të Barcelonës ndaj Dembele, PSG ankohet në UEFABëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
