Christophe Galtier ka hyrë në orët e para të tij si trajneri i PSG. Ish-kampioni i Francës me Lille, ka gati planin e tij për sezonin dhe skuadrën e re.
Mund të konsiderohet një luks i vërtet, fakti që Galtier nuk është shumë i shqetësuar për merkaton, pasi ai disponon një nga skuadrat më të kompletuara dhe gjithashtu një organikë plot me yje.
Gjithsesi, në Paris, Galtier ka piketuar edhe emrat që priten të largohen nga skuadra pasi nuk bëjnë pjesë në planet e trajnerit francez.
Bëhet fjalë për emra si, Kurzawa, Diallo, Gueye, Herrera, Draxler, Kehrer dhe Icardi, të cilët duhet të mendojnë për një “shtëpi” të re dhe larg Parisit.
Në prezantimin e tij në krye të stolit të PSG, Galtier e nënkuptojë diçka të tillë, duke thënë: “Unë kam dëshirë t’i shoh në sy lojtarët e mi kur punoj dhe dua që të gjithë të jenë të lumtur. Për këtë arsye nuk mbaj shumë futbollistë në organikë, por vetëm ata që i kam në plan dhe unë kam ardhur me një plan këtu. Futbollistëve që nuk i kemi në planet tona për sezonin e ardhshëm, do t’ua bëjmë me dije, që të mund të bëjnë lëvizjet e tyre gjatë verës”.
© SYRI.net
Derbi 'gjymton' Milanin, tre mbrojtës titullarë mungojnë ndaj Juves në fundjavë
Historike/ Interi shpallet kampion i Italisë në derbin me Milanin
E thotë ish-sulmuesi i Bayernit: Neuer në të njëjtin nivel me MesinBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
