Kay Bernstein, një nga themeluesit e Harlekins Berlin’98, një grup tifozerie i Hertha Berlin, dhe tani pronar i një kompanie mediatike, është zgjedhur si presidenti i ri i klubit duke marrë 1670 nga 3040 vota në zgjedhjet e jashtëzakonshme të asamblesë së përgjithshme dhe mundi dy kandidatët e tjerë.
Është hera e parë që një ish-anëtar i një grupi ultrasish të futbollit arrin të bëhet presidenti i një klubi dhe mediet në Gjermani raportojnë se Bernstein, 41 vjeç, është përjashtuar nga stadiumi tre herë në të kaluarën.
Pasi u zgjodh president i Herthas, Bernstein tha se klubi është në “terapi intensive”.
Fitorja e tij si pasardhës i Werner Gegenbauer, i cili u largua nga posti pas 14 vitesh, u festua me gëzim nga tifozët e klubit të Berlinit.
Hertha Berlin arriti të shmangë rënien nga elita e futbollit gjerman këtë sezon, në play-off kundër Hamburgut.
Pavarësisht se humbi ndeshjen e parë 0-1 në Berlin, Hertha fitoi në ndeshjen e dytë (0-2) për të vazhduar konkurrimin në Bundesligë.
© SYRI.net
Al Khelaifi: Superliga? T’i japin fund kësaj ideje idiote
Sulmuesi i Kombëtares U-19 firmos kontratën e parë si profesionist
Ballkani-Prishtina, finalja e Kupës së KosovësBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
