Ylli i PSG-së, Kylian Mbappe shpjegon pse e mbështet Milanin dhe zbulon se foli me Liverpool-in përpara se të rinovonte kontratën me gjigantët e Ligue 1.
Sulmuesi francez ka nënshkruar së fundmi me PSG-në deri në qershor 2025, duke refuzuar një ofertë nga Real Madrid.
Sidoqoftë, “Los Blancos” nuk ishin klubi i vetëm me të cilin foli ndërsa kontrata e tij po skadonte, pasi Liverpool gjithashtu bëri lëvizjen e tyre për të nënshkruar me fituesin e Kupës së Botës të Francës 2018.
“Kam folur me Liverpoolin sepse është klubi i preferuar i mamasë sime. Nuk e kuptoj pse ajo i mbështet “të kuqtë”, duhet të pyesni atë”, tha ai për La Gazzetta dello Sport.
“Përveç shakave, janë një klub i madh. I kisha takuar tashmë pesë vjet më parë kur luaja për Monacon. Kësaj radhe folëm shkurt, por në fund zgjedhja ishte mes Real Madridit dhe PSG-së. Të gjithë e dinë që doja të shkoja në Madrid verën e kaluar, sepse mendova se ishte zgjedhja e duhur.”
Një fotografi e Mbappe-s i veshur me një fanell të Milanit kur ishte fëmijë ishte bërë virale gjatë javëve të fundit, kështu që Mbappé u pyet për mendimet e tij për kuqezinjtë, të cilët sapo kanë fituar Scudetton e 19-të në historinë e tyre.
“Lidhja ime me Milanin është e veçantë. Dadoja ime ishte italiane dhe kaloja shumë kohë me familjen e saj, të gjithë mbështesnin Milanin”, ka treguar Mbappe.
“Falë tyre, kam parë shumë ndeshje të Milanit dhe jam bërë tifoz. Unë thosha: nëse do të luaj ndonjëherë në Itali, do të jetë vetëm te Milani. Po të kisha thënë diçka ndryshe, do të më kishin vrarë…
Përveç shakave, i përgëzoj kuqezinjtë, kam shumë miq francezë dhe Ibrahimovic, një legjendë që e respektoj vërtet.
Franca është një nga favoritët për të fituar Kupën e Botës në fund të vitit, ndërsa Italia nuk ka arritur të kualifikohet për herë të dytë radhazi.
Më mirë për ne, sepse Italia është një ekip i lartë, por unë u pikëllova për miqtë e mi Marco Verratti dhe Gigio Donnarumma”, tha Mbappe.
© SYRI.net
Duka: FSHF, gjithmonë e gatshme të ndihmojë në investime për zhvillimin e futbollit të fëmijëve
I hiqen 18 pikë, ish-skuadra e Armando Brojës zbret një kategori më poshtë
Këshilltari Teknik Rajonal i FIFA-s për Europën, Tomas Danilivicius vizitë zyrtare në FSHFBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
