Kapiteni i Feyenoord, Marcos Sensi është shfaqur mjaft i emocionuar në prag të finales së Ligës së Konferencës kundër Romës në stadiumin “Air Albania”.
Nga Portugalia ku ekipi holandez po kryen një mini-fazë përgatitore, Sensi ka dhënë një intervistë për mediat ku u shpreh se 25 maji do të jetë një ditë e madhe si në aspektin personal, por edhe në atë profesional. Për mediat e huaja, kapiteni i Feyenoord zbuloi se në të ardhmen do të luajë për Argjentinën. Qendërmbrojtësi i Feyenoord e vlerësoi edhe thirrjen e Italisë, por është i lumtur që mund të luajë për vendin ku ka lindur.
“Është një kupë e re dhe ne duam të bëjmë histori. Për mua është finalja e parë që do të luaj dhe shpresoj ta fitoj.
Kemi ardhur në Portugali për të bërë fazë të shkurtër përgatitore dhe ky mund të jetë një avantazh për ne. Gjithsesi, dua të theksoj se Roma do të arrijë me një ritëm më të lartë sepse po luan ndeshje të rëndësishme”.
Italia apo Argjentina? “Kur mora telefonatat, u ula me familjen time dhe i shqyrtova, por realiteti është se gjithmonë kam ëndërruar të luaj me Kombëtaren e Argjentinës që kur kam qenë fëmijë dhe kam një vit që shkoj në shtrat duke menduar për të pasur mundësinë time”, tha mbrojtësi 25 vjeçar.
Ndeshja Roma – Feyenoord do të luhet të mërkurën e 25 majit në stadiumin “Air Albania” në kryeqytet, në orën 21:00.
© SYRI.net
Duka: FSHF, gjithmonë e gatshme të ndihmojë në investime për zhvillimin e futbollit të fëmijëve
I hiqen 18 pikë, ish-skuadra e Armando Brojës zbret një kategori më poshtë
Këshilltari Teknik Rajonal i FIFA-s për Europën, Tomas Danilivicius vizitë zyrtare në FSHFBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
