Sulmuesi i Sassuolos, Giacomo Raspadori, e ka kërcënuar Milanin, të cilët për të fituar titullin e kampionit duhet të mos mposhten në “Mapei Stadium”.
Raspadori ka thënë se Sassuolo do të bëjë paraqitje dinjitoze me synimin për të marrë tre pikët. Sassuolo e kishte mposhtur Milanin me rezultat 3-1 në stinorin vjeshtor në “San Siro”.
“Duam ta mbyllim sa më mirë kampionatin dhe do të kërkojmë fitore edhe ndaj Milanit. E dimë forcën e tyre, por i kemi mundur në fazën e parë dhe mund ta bëjmë këtë edhe në fundjavë”, ka thënë italiani i talentuar.
Raspadori ka thënë se është tifoz me Interin, por kjo nuk do të thotë motiv më shumë për të.
“Fakti që jam tifoz me Interin, nuk është një arsye më shumë. Ne sulmuesit duam të shënojmë gjithmonë dhe këtë do të synojmë edhe ndaj Milanit. Shpresoj që të kemi edhe pak fat për t’ia dalë”, nënvizoi Raspadori.
Milani është lider në Serie A me dy pikë më shumë se Interi, kur ka mbetur vetëm edhe një ndeshje për tu zhvilluar.
© SYRI.net
Mori dy kartonë të verdhë, por nuk doli me të kuq, rregulli i rrallë që la në fushë portierin Emiliano Martinez
Europa League, shansi i fundit i Milanit për të fituar trofe këtë vit
Thirrjet raciste të tifozëve të Barcelonës ndaj Dembele, PSG ankohet në UEFABëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
