Leonardo Spinazzola do të jetë vlera e shtesë e Romës për finalen e Tiranës.
Rikthimi i tij ofron një gamë të gjerë zgjidhjesh për Mourinhon përpara ndeshjes kundër Feyenoordit në finalen e Conference League.
Sigurisht që mbrojtësi i krahut nuk do të luajë nga minuta e parë, por mund të jetë alternativë për Zalewskin, i cili mbetet favorit.
Spinazzola shpreson të japë kontributin e tij në finalen e “Air Albanias”, pasi humbi atë të Evropianit, vitin e kaluar, për arsye dëmtimi.
Pas këputjes së tendinës në këmbën e majtë më 2 korrik kundër Belgjikës, ai u rikthye në fushë të hënën e kaluar për disa minuta kundër Fiorentinës dhe të shtunën u aktivizua titullar kundër Venezias.
Ajo paraqitje e shkurtër në “Franchi” ishte fundi i një makthi. Edhe nëse erdhi ajo humbje për Romën, që rrezikon të komprometojë pozicionin e saj në Serinë A, për Leonardon ishte një mbrëmje për t’u mbajtur mend.
Kundër Venezias, në 45 minuta që qëndroi në fushë demonstroi se ishte në rrugën e rikuperimit të plotë.
Spinazzola dëshiron ta mbyllë këtë sezon me një trofe dhe më pas të bëhet gati të jetë sërish protagonist.
© SYRI.net
Duka: FSHF, gjithmonë e gatshme të ndihmojë në investime për zhvillimin e futbollit të fëmijëve
I hiqen 18 pikë, ish-skuadra e Armando Brojës zbret një kategori më poshtë
Këshilltari Teknik Rajonal i FIFA-s për Europën, Tomas Danilivicius vizitë zyrtare në FSHFBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
