Distria Krasniqi i solli Kosovës medaljen e dytë të artë në Lojërat Olimpike “Tokio 2020”, pas asaj të Majlinda Kelmendit në ‘Rio 2016’.
Xhudistja nga Peja e filloi mirë rrugëtimin e saj për te medalja e artë, pasi i fitoi të tri përballjet në mënyrë të pastër, duke e përmbyllur mjaft mirë edhe finalen.
Për këtë triumf të Distrisë, shumë media ndërkombëtare gjetën hapësirë që të shkruajnë për medaljen e artë të parë për Kosovën në këto Lojëra Olimpike.
Reuters shkruante: “Distria ia fiton Kosovës medaljen e parë të artë në xhudo në Tokio 2020”. Një titull të tillë e kishte edhe The Ëashington Post: “Kosova përshëndet medaljen e artë të Krasniqit në xhudo në Lojërat e Tokios”.
Për fitores e Distrisë ka shkruar edhe Associated Press, duke e përmbledhur më shumë garuesit që morën medalje në ditën e parë të Lojërave Olimpike.
Kujtojmë se Pejania ka fituar ndeshjen e parë me ‘ippon’ ndaj brazilianes, Gabriela Chibana, ndërsa në çerekfinale mposhti gjithashtu me ‘ippon’ Chen Hao Lin në kategorinë deri në 48 kilogramë.
Në gjysmëfinale, Distria u takua me kundërshtaren Urantsetseg Munkhbat, të cilën arriti ta mposht gjithashtu edhe pse me pak vështirësi.
Xhudistja jonë u tregua e fortë duke fituar me anë të ‘Ëaza-Arit’, duke siguruar finalen e madhe. Në finale, Distria u takua me japonezen Funa Tonaki, të cilën sikurse edhe çdo kundërshtare tjetër e mposhti për ta bërë krenare gjithë Kosovën.
© SYRI.net
Al Khelaifi: Superliga? T’i japin fund kësaj ideje idiote
Sulmuesi i Kombëtares U-19 firmos kontratën e parë si profesionist
Ballkani-Prishtina, finalja e Kupës së KosovësBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
