Trent Alexander-Arnold ishte heroi i Liverpool pasditen e sotme. Mbrojtësi anglez, i cili javët e fundit është kritikuar shumë për shkak të paraqitjeve jo në nivelin me të cilin i kishte mësuar tifozët, shënoi golin e fitores 2-1 ndaj Aston Villa, në minutat shtesë të ndeshjes.
Në pjesën e parë, ekipi i Klopp kaloi në disavantazh në minutën e 43-të, pas golit të Watkins.
Salah barazoi gjithçka në minutën e 57, përpara se mbrojtësi anglez t’i jepte 3 pikët të kuqve në minutën e 91.
Me këtë fitore, Liverpool ngjitet përkohësisht në vendin e katërt të renditjes, me 52 pikë, po aq sa ka edhe West Ham.
Leeds mund Manchester City-in
Manchester City ka pësuar një humbje shokuese në Premier League, 1-2 kundër Leeds United, edhe pse luajti për një pjesë loje me një futbollist më shumë.
Në minutën e 41-të, Dallas zhbllokoi sfidën me një goditje të fortë me të djathtën në hyrje të zonës. Pak minuta më pas Cooper bën një ndërhyrje shumë të ashpër ndaj Gabriel Jesus, duke u ndëshkuar me karton të kuq.
Ferran Torres barazoi në minutën e 76-të. Gjithsesi, Dallas do të rikthente sërish në avantazh Leeds United, me një gol të shënuar në kohën shtesë. Kjo ishte disfata e tretë sezonale për City-in, që është mundur më parë nga Leicester dhe United.
© SYRI.net
Ballkani-Prishtina, finalja e Kupës së Kosovës
E konfirmon Cesena, Cristian Shpendin e kërkojnë në Serie A
Nuk lë gjurmë në Kupë, por Ernest Muçi zgjidhet në formacionin e javësBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
