Trajneri i Atalantas, Gian Piero Gasperini ka thënë se kapiteni Papu Gomez i ka dhënë shumë klubit.
Gomez udhëtoi në Spanjë që të kryejë testet mjekësore te Sevilja.
Pavarësisht raporteve jo të mira, Gasperini ka falënderuar argjentinasin dhe i ka uruar suksese.
"Papu Gomez i ka dhënë shumë Atalanta-s. E ka ndihmuar të rritet. Besoj se skuadra tani mund të ecë me këmbët e veta. Është transferuar në një ekip shumë të fortë që luan Champions League, një eksperiencë e bukur. I uroj më të mirat” përfundoi trajneri zikaltër.
Gomez do nënshkruajë kontratë trevjeçare me Sevilja-n nga e cila do të përfitoi 3 milionë euro në sezon.
© SYRI.net
Bëje LIKE dhe merr lajmin e fundit nga Sporti: