Partizani fitoi pasditen e djeshme në “Elbasan Arena” derbin me Tiranën, duke vazhduar ndjekjen e Vllaznisë dhe mbajtur gjallë shpresat për titull.
E kundërta ndodh me Tiranën, e cila pasi fitoi titullin në sezonin e kaluar, mesa duket këtë edicion nuk është në rrugën e duhur.
I ashpër dhe mjaft kritik për bardheblutë është Saimir Patushi.
Ish-mesfushori i Tiranës nuk kursehet në deklaratën e tij në emisionin informativ të pasdites në Syri TV me gazetaren Enkeleida Zeko, duke theksuar se asnjë nuk mund të luajë po nuk e meritoi fanellën bardheblu, qoftë djali i presidentit apo i ministrit.
“E mira e këtij derbi ishte që nuk doli barazim, pasi nuk i shërbente asnjërit prej ekipeve. Tirana ishte ajo skuadër e problematikave të ndryshme. Tani 15 pikë janë shumë dhe nga rezultati që mori, doli nga gara për titull. Drejtuesve tani u mbetet të gjejnë 11-shen më të mirë dhe të bëjnë kompromisin e qokave që duhen bërë.
Strategjia e këtij klubi nuk është që të ketë lojtarë që mund të bësh qoka, ajo fanellë është e shenjtë për familjen badheblu. Mendoj se sezoni do t’i shërbejë drejtuesve që të gjejnë lojtarët e duhur për qoka.
Të jesh një ekip kampion dhe të thotë presidenti që ne nuk jemi për titull kampion, është vetëvrasje. Presidenti duhet t’i thërrasë njëherë e mirë logjikës. Familja bardheblu nuk është vetëm e presidentit, por është e të gjithëve. Nuk mund të tallet as presidenti dhe asnjë tjetër. Nuk mund të luajë as çuni i presidentit dhe as çuni i ministrit te Tirana po nuk e meritoi. Të kesh një ekip kampion dhe ta kthesh në ekip qokash, vetëm presidenti Halili e bën te Tirana”, theksoi Patushi, deklaratën e të cilit mund ta shihni të plotë në videon e mëposhtme.
/ Florian Behlula / Syri.net /
© SYRI.net
Berat Gjimshiti zgjidhet ‘Lojtari i Javës’ në Europa League
Xhaka: Roma është skuadër Championsi, por në finale shkojmë ne
Zidane ka vendosur, ja klubi i madh që do të drejtojë pas tri sezonesh pushimBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
