U mbyll në barazim 1-1 ndeshja e prapambetur në Serie-A (java e 10-të) mes Atalantës dhe Udineses.
Takimi nisi keq për bergamaskët, pasi friulianët kaluan në avantazh pas disa sekondash lojë, me anë të Roberto Pereyra-s.
Skuadra e Gian Piero Gasperinit filloi të dominonte kundërshtarin dhe Luis Muriel barazoi rezultatin pak para përfundimit të pjesës së parë.
Pjesa e dytë nuk pati surpriza, me skuadrat që ndanë nga një pikë. Në renditje, Atalanta mbetet e gjashta një pikë prapa vendit të tretë që mbahet nga Napoli, por dhjetë pikë prapa liderëve, Milan. Udinese është pesëmbëdhjeta dhe vetëm katër pikë përpara zonës së kuqe.
© SYRI.net
Bëje LIKE dhe merr lajmin e fundit nga Sporti: