U luajt në “San Siro” supersfida mes Interit dhe Juventusit, e vlefshme për javën e 18-të të Serie A, shkruan Syri.net.
Zikaltrit fituan me rezultatin e pastër 2-0, me golat e shënuar nga Arturo Vidal në pjesën e parë dhe Nicolo Barella në të dytën.
Vidal në minutën e 13-të shfrytëzoi një krosim të Barellës dhe shënoi me një gjuajtje të saktë me kokë, duke zhbllokuar rezultatin.
Për të siguruar fitoren mendoi Barella, i cili realizoi në minutën e 52-të dhe deri në fund rezultati nuk ndryshoi.
Interi me këtë fitore i bashkohet në krye Milanit, i cili do të luajë nesër në transfertë me Cagliarin, ndërsa Juventusi mbetet në vend të katërt me 7 pikë më pak se dyshja milaneze.
© SYRI.net
Bëje LIKE dhe merr lajmin e fundit nga Sporti: