Shkarkimi i trajnerit? Reagon klubi i Kukësit: Hallaçi ka besimin e drejtuesve!

Shkarkimi i trajnerit? Reagon klubi i Kukësit: Hallaçi ka besimin e drejtuesve!

11:21, 17/01/2021

Klubi i Kukësit ka hedhur poshtë lajmet për shkarkim të trajnerit Rrahman Hallaçi nga drejtimi i skuadrës.

Mëngjesin e sotëm, në media të ndryshme online, qarkulloi lajmi se te klubi verilindor u zhvillua një mbledhje urgjente ku ishte diskutuar dhe shkarkimi i trajnerit Hallaçi, ndërsa si pasues i tij u përfol Bledar Devolli.

Kukësi sqaron se ky lajm është i pavërvete dhe se trajneri Hallaçi ka besimin ne plotë të klubit.

Njoftim i Klubit!

Futboll Klub Kukësi kërkon të sqarojë opinionin publik se lajmet e orëve të fundit në media, për shkarkimin e trajnerit Rraman Hallaçi janë të pavërteta. Hallaçi do të vazhdojë të jetë trajner i skuadrës dhe stafi teknik po punon për të përforcuar skuadrën në merkaton e janarit duke siguruar të gjithë se ekipi do të kthehet te rezultatet pozitivë shumë shpejt.

Trajneri Hallaçi ka besimin e klubit dhe mbështetjen e të gjithë futbollistëve në këtë moment të vështirë për skuadrën. Skuadra zhvillon sot stërvitjen e radhës për ndeshjen ndaj Apolonisë nën urdhërat e trajnerit Hallaçi.

Klubi e kupton se emri i Kukësit shton klikimet dhe rrit shitjet e gazetave por njëkohësisht kërkon nga mediat që të tregohen profesioniste dhe të mos publikojnë lajme të rreme. Klubi ka zyrën e shtypit ku mund të merret çdo informacion që keni nevojë. Para se të publikoni një lajm, jeni të lutur të siguroheni.

Zyra për shtyp

FK Kukësi

Image

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

>
Denonco