Tirana ka dalë triumfues nga dueli me Kastriotin, duke thyer tersin e barazimeve në kampionat. Bardheblutë fituan me përmbysje 2-1 ndaj krutanëve, në ndeshjen e vlefshme për javën e 14-të në Kategorinë Superiore.
Fillimisht, ishte sulmuesi Devid Santana që kaloi Kastriotin në avantazh. Brazilian shfrytëzoi shumë mirë një krosim i ardhur nga e majtë, për ta dërguar topin në rrjetë (minuta, 21).
Megjithatë, Tirana arriti të përmbyste gjithçka falë golave të shënuar nga Idi Batha (35) dhe Ernest Muçit (51), 2 minuta para se në fushë të futej Tulant Seferi, i cili bëri debutimin me bardheblutë ditën e sotme.
Tirana u ngjit në vendin e 5-të të renditjes me 20 pikë, ndërsa Kastrioti ndodhet një vend më poshtë me 17 pikë të grumbulluara.
© SYRI.net
Bëje LIKE dhe merr lajmin e fundit nga Sporti: