Ka përfunduar në barazim pa gola pjesa e parë mes Kukësit dhe Vllaznisë e vlefshme për javën e 14-të në Kategorinë Superiore.
Në 45 minutat e para skuadrat u treguan mjaft të kujdesshme, duke mos prodhuar shumë raste shënimi.
Rasti i parë në pjesën e parë, do të regjistrohej në minutën e 27, me verilindorët që ishin shumë pranë golit me Leirën, por topi i goditur me kokë nga braziliani u ndal nga portieri i shkodranëve, Zogovic.
Kur po mbyllej pjesa e parë, Vllaznia ishte pranë golit me Fjoart Jonuzit. Tentativa e tij shkon ngjitur me trekëndëshin e portës së mbrojtur nga Tafas.
Në këtë momente po luhet edhe sfida mes Teutës dhe Bylisit. Durraskët po fitojnë me rezultatin minimal 1-0 ndaj ballshiotëve.
Golin për skuadrën bregdetare e realizoi Lorenco Vila në minutën e 28-të të takimit.
© SYRI.net
Bëje LIKE dhe merr lajmin e fundit nga Sporti: