Të eliminuar nga të gjitha kompeticionet evropiane pas barazimi kundër Shakhtar Donetsk (0-0), skuadra e Inter u kthye në Serie A për t'u përballur me Cagliari.
Më në fund, klubi Lombard u rikthye tek fitorja, pasi mposhti me përmbysje 2-1 Cagliarin, në ndeshjen e vlefshme për javën e 11-të në kampionatin italian.
Pritej që zikaltërit të fitonin lehtësisht ndaj ekipit nga Sardenja. Mirëpo nuk ndodhi ashtu pasi skuadra Antonio Conte-s e pa veten në disavantazh, pak para përfundimit të pjesës së parë, pas një goli të shënuar nga sulmuesi Ricardo Sottil, i cili mposhti Handanovic me një diagonal të saktë me të majtën.
Conte provon të ndryshojë skuadrën në pjesën e dytë dhe hedh në fushë fillimisht Hakimin e më pas Young, Sensin e Lautaron, por goli i barazimit vjen vetëm në minutën e 77’, kur Nicolo Barella u koordinua saktë dhe dërgoi në rrjetë një top të grushtuar nga portieri Cragno.
Vetëm 7 minuta më vonë D’Ambrossio merr vendin e Hakimit të dëmtuar dhe topin e parë që prek, e dërgon në rrjetë, pasi krosimi i Barellës ishte perfekt në shtyllën e dytë dhe mbrojtësi italian nuk ngurroi të shënojë e t’u japë avantazhin zikaltërve.
Cagliari provoi të reagojë dhe në një këndore në minutat shtesë, në zonën e Interit shkoi edhe portieri Alessio Cragno, por më pas kundërsulmi foli për zikaltrit, me Lukakun që mori topin në gjysmëfushën e tij, dribloi edhe portierin e shkoi I qetë me portën e boshatisur, ku shënoi edhe golin e tretë, duke vulosur suksesin e Interit.
© SYRI.net
Osmani pas suksesit të Distrisë: Jashtëzakonisht krenare, në Paris, më e fortë se kurrë
Taremi kryen testet mjekësore, Interi kompleton dy goditjet e para në merkato
Distria Krasniqi shpallet kampione e Europës në xhudoBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
