Sikur mos mjaftonte kriza e rezultateve, Fiorentina tashmë duhet të bëjë për të paktën dy javë edhe pa trajnerin e saj.
Cesare Prandelli ka rezultuar pozitiv me Koronavirus në tamponin që ka kryer së fundmi dhe do t’i duhet të qëndrojë në karantinë i izoluar në shtëpinë e tij për 2 javët e ardhshme.
Këtë e ka konfirmuar klubi vjollcë përmes një komunikate në “Twitter”.
“Fiorentina njofton se Prandelli doli pozitiv. Trajneri është në izolim”, shkruhej në komunikatë.
Pritet që e gjithë skuadra të testohet sërish dhe të shihet në rast se do këtë tjetër të prekur nga Koronavirusi.
Në ndeshjen e radhës ndaj Genoas, Fiorentina do të drejtohet nga zëvendësi i Cesare Prandellit.
© SYRI.net
Bëje LIKE dhe merr lajmin e fundit nga Sporti: