Ndeshja e Premier League midis Newcastle United dhe Aston Villa-s, është shtyrë për shkak të rritjes së konsiderueshme të rasteve të Covid-19 te skuadra e Magipes.
Disa lojtarë dhe anëtarë të stafit të Newcastle-it janë izoluar në shtëpi pasi kanë rezultuar pozitiv me koronavirus.
Terreni i stërvitjes së klubit anglez në “Darsley Park” u mbyll të hënën dhe të martën. Newcastle paraqiti një kërkesë në Premier League për të shtyrë ndeshjen në Villa Park, e cila është aprovuar.
Aston Villa tha se "mbështet plotësisht" vendimin e Premier League për të shtyrë ndeshjen. "Të gjithë te Aston Villa i urojnë shërim të shpejtë të gjithë të prekurve nga virusi," shtoi klubi.
Data e re e zhvillimit të ndeshjes do të konfirmohet në të ardhmen.
© SYRI.net
Bëje LIKE dhe merr lajmin e fundit nga Sporti: