Japonia ka përdorur teknologji të re për të përcaktuar nëse turmat e mëdha mund të shikojnë ngjarje sportive duke u garantuar atyre siguri mes pandemisë së koronavirusit, më pak se një vit para se Tokio të presë Olimpiadën e shtyrë nga pandemia.
Kamerat me precizion të lartë ekzaminuan lëvizjet e spektatorëve dhe përqindjen që kishin veshur maska , gjatë tre ndeshjeve të bejsbollit në Yokohama Stadium nga e premtja e kaluar. Pajisjet për monitorimin e dioksidit të karbonit dhe makineritë për matjen e shpejtësisë së erës u instaluan për të vlerësuar se si përhapen pikat e pështymës kur spektatorët që mbanin maska bërtisnin, hanin dhe pinin.
Të premten, deri në 16,000 njerëz u lejuan të hyjnë në stadiumin prej 34,000 vendesh për të parë ndeshjen ne Yokohama Stadium.
Raportet thanë se numri i tifozëve nuk arriti objektivin e përgjithshëm, me disa që me sa duket zgjodhën të qëndronin larg mes shenjave të një rritje të lehtë në rastet në Japoni. Vendi ka regjistruar pak më shumë se 100,000 infeksione Covid-19 dhe rreth 1,750 vdekje - një numër relativisht i ulët në një vend me 126 milion njerëz.
Zgjedhja e Yokohama Stadium nuk ishte rastësi: ai do të jetë vendi kryesor për ndeshjet e softball dhe bejsbollit në Lojërat e verës së ardhshme, të cilat do të hapen më 23 korrik.
Zgjedhja e Yokohama Stadium nuk ishte rastësi: ai do të jetë vendi kryesor për ndeshjet e softball dhe bejsbollit në Lojërat e verës së ardhshme, të cilat do të hapen më 23 korrik.
"Ne do t'i raportojmë gjetjet tona këtu qeverisë," tha Kiyotaka Eguchi, një zyrtar i qeverisë lokale. "Informacioni që marrim këtu do të pasqyrohet në udhëzimet [e qeverisë], dhe që do të përdoret gjithashtu për Lojërat Olimpike të vitit të ardhshëm dhe bejsbollin profesional."
Tifozëve që hynin në stadium iu kërkua të instalonin një aplikacion për gjurmimin e kontakteve, në mënyrë që ata të njoftohen nëse bien në kontakt ose ulen pranë dikujt që më vonë doli pozitiv për virusin.
© SYRI.net
Bëje LIKE dhe merr lajmin e fundit nga Sporti: