Më në fund futbolli në vendin tonë nisi, teksa sot u luajtën ndeshjet e Kupës së Shqipërisë, ndërsa kampionati do të fillojë të mërkurën.
Përfundimi i bojkotit nga Liga Profesioniste i hapi rrugën sezonit të ri futbollistik në vend, teksa mbeten për t’u zgjidhur konkretisht kërkesat e Ligës ndaj qeverisë.
Presidenti i nderit i Kukësit, Safet Gjici, dha mendimin e tij në emisionin “Fair Play” nga gazetarja Enkeleda Zeko në Syri TV.
“Mendoj se fitoi futbolli. Bojkoti nuk është i mirë, sidomos për futbollin. Tani është koha për të zgjidhur në tavolinë të gjitha problematikat që ka Liga. Besoj se do të ketë një zgjidhje reale të katër kërkesave që ka Liga ndaj qeverisë.
Nuk është bërë një premtim që nuk është mbajtur. Edhe një vit më parë u diskutuan shumë problematika. Këtë herë Liga doli me katër kërkesa kryesore. Sidomos ‘Ligji për Sponsorizimin’.
Jemi në rrugën e duhur dhe nuk kemi pse t’i marrin gjërat me nxitim. Realisht duhet të formalizojmë futbollin shqiptar. Ka ardhur koha për të rregulluar problemet që ka futbolli dhe sporti në përgjithësi. Ka ardhur momenti që të zgjidhet dhe të bëhet një ligj shumë i mirë për futbollin”, deklaroi Gjici.
© SYRI.net
‘Reali nuk vdes kurrë!’
Nadal eliminohet nga turneu i Barcelonës, nuk ia del përballë australianit
Biletat e fundit për në gjysmëfinale/ Publikohen formacionet zyrtare të Real Madrid- Manchester City dhe Bayern Munich- ArsenalBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
