Roma vazhdon momentin pozitiv në Serinë A. Skuadra verdhekuqe, që vinte në javën e 6-të pas barazimit spektakolar me Milanin në “San Siro”, fitoi 2-0 ndaj Fiorentinës në “Olimpico”, ku realizoi nga një gol në çdo pjesë.
Spinazzola shfrytëzoi një top të gjatë të portierit, që nuk u kontrollua si duhet nga mbrojtja vjollcë, duke zhbllokuar takimin që në minutën e 12-të.
Golin e sigurisë verdhekuqtë e gjetën në minutën e 70-të me Pedron, që thjesht shtyu drejt rrjetës asistin perfekt të Mkhitaryan.
Fiorentina e mbylli ndeshjen me 10 lojtarë, pas ndëshkimit të Martinez Quartas me karton të kuq dy minuta para fundit të kohës së rregullt.
Marash Kumbulla këtë herë e nisi ndeshjen nga stoli, me Fonsecan që e aktivizoi në minutën e 90-të në vend të Veretout.
Befasia e mbrëmje ndodhi në “San Paolo”, ku Napoli u mposht 0-2 nga Sassuolo.
Ekipi i Gattusos u ndëshkua me Locatelli në minutën e 58-të me 11-metërsh, ndërsa goli i “Knock out”-it u shënua në minutën e 5-të shtesë nga Lopez.
Vetëm 71 minuta lojë për Elseid Hysajn, vendin e të cilit e mori Mario Rui.
© SYRI.net
Duka: FSHF, gjithmonë e gatshme të ndihmojë në investime për zhvillimin e futbollit të fëmijëve
I hiqen 18 pikë, ish-skuadra e Armando Brojës zbret një kategori më poshtë
Këshilltari Teknik Rajonal i FIFA-s për Europën, Tomas Danilivicius vizitë zyrtare në FSHFBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
