Juventus ngec sërish në transfertë, pasi nuk shkoi më shumë se një barazim 1-1 ndaj Crotones së ngjitur rishtazi në elitën e futbollit italian.
Pa Cristiano Ronaldon në fushë, bardhezinjtë vuajnë jo pak në ndërtimin e manovrës sulmuese, ndërsa aventura e Pirlos si trajner është larg pritshmërive, pasi Juventusi i tij ka marrë vetëm 5 pikë në tre ndeshje të luajtura në fushë.
Sfida nisi mjaft mirë për vendasit, që pas një aksioni t? shpejtë, fituan një 11-metërsh në minutën e 12-të, pas një faulli të Bonuccit në zonë, ndërsa qendërmbrojtësi bardhezi u ndëshkua edhe me karton të verdhë.
Nga pika e penalltisë shkoi sulmuesi kryesor i Crotones, Simmy, i cili gjuajti saktë dhe mposhti Buffon, duke u dhënë vendasve avantazhin, që gjithsesi zgjati vetëm 9 minuta.
Kjo sepse Juventus shtoi presionin dhe pas një aksioni të shpejtë Alvaro Morata shtyu topin në rrjetë duke barazuar shifrat.
Debutimi i Frederico Chiesë u prish në minutën e 60-të, kur pas një ndërhyrjeje me takë në gjysmëfushën kundërshtare, u ndëshkua direkt me karton të kuq dhe la bardhezinjtë me 10 futbollistë.
Vërshëllima finale e arbitrit la në fuqi barazimin 1-1, që është i dyti në 3 ndeshje të Juventusit, me bardhezinjtë që ngjiten në kuotën e 8 pikëve edhe falë fitores 3-0 ndaj Napolit, në tavolinë.
© SYRI.net
Xhaka: Roma është skuadër Championsi, por në finale shkojmë ne
Zidane ka vendosur, ja klubi i madh që do të drejtojë pas tri sezonesh pushim
Mori dy kartonë të verdhë, por nuk doli me të kuq, rregulli i rrallë që la në fushë portierin Emiliano MartinezBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
