Futbollisti i Atletico Madrid, Sime Vrsaljko flet pas infektimit me COVID-19

Futbollisti i Atletico Madrid, Sime Vrsaljko flet pas infektimit me COVID-19

08:28, 11/08/2020

Atletico Madrid  mori një lajm tepër të keq ditën e djeshme, ku dy lojtarë të ekipit të Diego Simeones rezultuan pozitivë me Covid-19 dhe ata janë: Angel Correa dhe Sime Vrsaljko.

Të dy janë izoluar dhe do të presin përgjigjet e testeve të radhës për të mësuar nëse e kanë lënë pas krahëve virusin e frikshëm. Një lajm që krijon panik te Los Colchoneros, që të enjten e 13 gushtit do të përballen me gjermanët e Leipzig për një biletë në gjysmëfinalet e Ligës së Kampionëve.

Mbrojtësi Vrsaljko ka folur mbi gjendjen e tij shëndetësore, duke falënderuar tifozët për mbështetjen.

“Dua t’i lajmëroj të gjithë se ndihem mirë dhe nuk kam asnjë simptomë. Disa parametra ishin pak më të larta se normalja, kështu që duhet të nis karantinën”.

”Situata është e mirë dhe faleminderit për mbështetjen. Shpresoj t’i rikthehem shpejt jetës normale dhe kujdesuni, pasi masat paraprake nuk janë kurrë të mjaftueshme“, deklaron kroati.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

>
Denonco