Marash Kumbulla është përfshirë në grupin e futbollistëve më të rëndësishëm të momentit në botë.
Revista e njohur britanike World Soccer përzgjodhi mbrojtësin e Kombëtares dhe Verona në grupin e 500 yjeve nga 80 vende dhe më shumë se 50 kampionate.
Një vlerësim për Kumbullën që zhvilloi një sezon të shkëlqyer me Verona. Paraqitjet e tij nuk janë lënë pa vënë re. World Soccer në komentin e bërë për 20-vjeçarin shkruan se është një mbrojtës i fuqishëm që në sezonin e parë në Serie A tërhoqi vëmendjen e Inter, Juventus dhe Lazio.
Diskutimet për një transferim të tij dhe beteja mes ekipeve të njohur në Itali është temë e ditës në mediat sportive, pasi Verona pret të përfitojë rreth 30 milionë euro nga kjo lëvizje.
Marash Kumbulla nuk është futbollisti i parë i Kombëtares që bëhet pjesë e kësaj përzgjedhje të World Soccer. Më parë janë përfshirë Shkëlzen Gashi, Taulant Xhaka, Lorik Cana dhe Elseid Hysaj.
Nga përfaqësuesja e Kosovës kësaj here janë Vedat Muriqi dhe Milot Rashica. Nga Maqedonia e Veriut shqiptari i vetëm është Enis Bardhi.
© SYRI.net
Nadal eliminohet nga turneu i Barcelonës, nuk ia del përballë australianit
Biletat e fundit për në gjysmëfinale/ Publikohen formacionet zyrtare të Real Madrid- Manchester City dhe Bayern Munich- Arsenal
Edon Zhegrova i lënduar, humb ndeshjen me Aston VillënBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
