Manchester City prezanton sulmuesin që e bleu 37 milionë euro

22:48, 04/08/2020

Manchester City bën goditjen e parë të madhe të merkatos së verës.

Citizens blenë Ferran Torres nga Valencia për 37 milionë euro.

Sulmuesi spanjoll do të marrë vendin e lënë bosh nga Leory Sane, i cili iu bashkua Bayernit të Mynihut.

Klubi anglez do të paguajë 25 milionë euro “cash” dhe 12 milionë në formë bonusesh për sulmuesin anësor të datëlindjes 2000. Lojtari ka firmosur kontratë 4-vjeçare.

Manchester City ka mundur të mposhtë konkurrencën e klubeve të tjera të mëdha si: Manchester United, Juventus, Borussia Dortmund, Real Madrid e Atletico Madrid.

Vendimtare në arritjen e marrëveshjes ishte biseda që Ferran Torres ka pasur me Pep Guardiolën.

“Jam shumë i lumtur që po i bashkohem Manchester City-t, çdo lojtarë dëshiron të jetë pjesë e një skuadre ofensive dhe në kuptim ky është një nga klubet më të rëndësishme. Citizens kanë fituar shumë gjatë dhjetë viteve të fundit dhe shpresoj që të kontribuoj për të fituar trofe të tjerë”, ishin fjalët e sulmuesit të ri për transferimin në Premier League.

© SYRI.net

Lexo edhe:

• Mourinho kritikon Manchester United: Ka ende lojtarë që unë nuk i doja 6 vite më parë
• Policia zbarkon në stadiumin e klubit anglez, arrestohen dy futbollistë me akuzën për përdhunim
• Të gjithë të çmendur pas talentit shqiptar, disa skuadra të Serisë A duan Kristian Shpendin