Fati i Xherdan Shaqirit te Liverpool mund të ndryshojë në mënyrë krejt të papritur.
Sipas medias zvicerane “Blick” dhe “The Athletic”, të cilat bëjnë me dije se trajneri i Liverpool Jurgen Klop dhe drejtuesit e klubit po mendojnë ta mbajnë futbollistin e Zvicrës edhe për një sezon në “Anfild”.
Kriza financiare e shkaktuar nga koronavirusi në shumë vende të botës ka prekur dhe kapitalin ekonomik të kampionëve të rinj të Anglisë dhe çmimet e lojtarëve kanë rënë.
Edhe vlera e Shaqirit në merkaton europiane ka zbritur si pasojë e koronavirusit, por dhe faktit se ai është aktivizuar shumë pak këtë sezon për shkak të rivalitetit në repartin sulmues.
Gjithashtu, edhe dëmtimet nuk i kanë dhënë mundësi Shaqirit të luajë mjaftueshëm me “të kuqtë”.
Nga ana tjetër, besohet se ai mund të qëndrojë edhe për një sezon me Liverpoolin.
© SYRI.net
Bëje LIKE dhe merr lajmin e fundit nga Sporti: