Chelsea ka marrë një fitore të rëndësishme 2-3 në transfertë kundër Crystal Palace e vlefshme për javën e 34 në Premier League.
‘Blutë’ e Londrës e nisën mbarë duke shënuar që në minutën e 6’ me anë të Olivier Giroud. Në minutën e 27’, Chelsea shënoi edhe golin e dytë me Christian Pulisic. Vendasit u rikthyen në lojë kur Wilfried Zaha gjeti rrjetën me një super gol në minutën e 34’.
Në pjesën e dytë u shënuan edhe dy gola të tjerë, me secilën skuadër që arriti të shënonte.
Tammy Abraham në minutën e 71’, riktheu avantazhin prej dy golave për Chelsean, por një minutën më vonë, Christian Benteke shënoi për vendasit, për 2-3.
Në minutën e fundit të ndeshjes, Crystal Palace pati dy mundësi të mira për të barazuar rezultatin, por ishin të pafat në përpjekjet e tyre.
© SYRI.net
Bëje LIKE dhe merr lajmin e fundit nga Sporti: