Federata Maqedonase e Futbollit mori ditën e sotme një vendim drastik për përfundimin e sezonit futbollistik, për shkak të situatës aspak të favorshme në vend, ku numri i pacientëve të prekur me Koronavirus po rritej çdo ditë.
Kësisoj u vendos përfundimi i sezonit 2019-2020.
Në bazë të këtij vendimi, renditja momentale do të përcaktojnë ekipet që do të shkojnë në Europë sezonin e ardhshëm.
Gjasat janë të mëdha që Maqedonia të përfaqësohet nga Sileks në Champions, edhe pse Vardar, mban vendin e parë, në renditje.
Kujtojmë që klubi kryeqytetas, nuk ka mundur për momentin të sigurojë një licencë për garat Europiane.
Në këto kushte përfiton edhe vendi i 5-të në renditje që është Shkupi.
Lajm i mirë është se plot 3 ekipe shqiptare do të shkojnë në Europë këtë sezon.
Shkëndija, Renova dhe Shkupi, që renditen respektivisht në vendet 3, 4, 5.
© SYRI.net
Bëje LIKE dhe merr lajmin e fundit nga Sporti: