Federata Italiane e Futbollit raportohet se po planifikon që të bëjë një propozim drastik, duke zbritur një kategori më poshtë çdo skuadër që nuk respekton masat anti-COVID-19.
Sipas mediave italiane, propozimi pritet të diskutohet këtë të hënë në një mbledhje që drejtuesit e Federatës pritet të mbajnë.
Nëse ky propozim do miratohej, do i jepte Federatës autoritet të plotë për të zbritur një kategori më poshtë çdo ekip që nuk respekton masat kundër Koronavirusit.
Edhe pse numrat e pandemisë janë në rënie në Itali, Federata nuk pranon të bëjë lëshime në masat që skuadrat duhet të marrin për parandalimin e virusit.
Në Itali çdo futbollist apo pjesëtar stafi që del pozitiv me COVID-19 duhet të karantinohet për 14 ditë, dhe jo 7 ditë siç e kanë ligat e tjera europiane.
© SYRI.net
Bëje LIKE dhe merr lajmin e fundit nga Sporti: