Ish-trajneri i PSG-së dhe Arsenalit, Unai Emery, konsiderohet si kandidati i tretë për të marrë stolin e Milanit sezonin e ardhshëm.
Sipas “Sky Sport Italia”, trajneri bask shihet si njëri prej alternativave të mundshme për të drejtuar “Djallin”.
Nëse Ralf Rangnik, ish-trajneri i Leipzigut merr detyrën e drejtorit të klubit dhe nuk firmos dhe si trajner, atëherë Milani duhet të gjejë një trajner të ri.
Ndërkohë një tjetër kandidat për të marrë timonin e Milanit është dhe ish-trajneri i Romës dhe Interit Luciano Spalleti.
Emery dhe shefi i bordit të Milanit, Ivan Gazidis, njihen dhe më parë, pasi kanë punuar tek Arsenali.
© SYRI.net
Bëje LIKE dhe merr lajmin e fundit nga Sporti: