Drejtori sportiv i Lazios, Igli Tare e krahasoi situatën e krijuar nga koronavirusi me një luftë, duke shtuar se e gjitha kjo duket si një film horror.
Gjatë një interviste për “Sport1”, Tare komentoi dhe idenë e shkurtimit të pagave të lojtarëve, duke thënë se akoma nuk kanë folur me futbollistët në lidhje me këtë por beson se kjo gjë do të aplikohet dhe te ekipi i tij.
“Duhet ta mendojmë akoma shkurtimin e pagave. Lojtarët tanë janë në kontakt me njëri-tjetrin, por akoma nuk kanë diskutuar për këtë gjë. Mendoj se edhe ne do t’i shkurtojmë pagat së shpejti.
Duket si një film horror kjo që po jetojmë. Fillimisht u mor lehtë, mirëpo tani nuk flasim më për një situatë të vetme. Tani është një luftë. Kur shikon kamionët e ushtrisë me arkivolat e të vdekurve, sigurisht që shokohesh dhe mbetesh pa fjalë. Fatkeqësisht, numri i të vdekurve është i tmerrshëm çdo ditë. Kjo është një fatkeqësi për të gjithë vendin,” u shpreh Tare.
© SYRI.net
Bëje LIKE dhe merr lajmin e fundit nga Sporti: