S'ka më shetitje gjatë orarit të punës, kjo komunë merr masa ndaj punëtorëve të saj

11:05, 21/02/2020

Nga e hëna, nis së zbatuari masa shtesë me efekt në disiplinën e punonjësve të Komunës, për të pamundësuar zyrtarët publik në Komunën e Ferizajt që në orar të punës, të dalin e frekuentojnë ambiente jashtë qëllimit zyrtar, në dëm të shërbimeve për qytetarët.

Lajmi u bë i ditur nga vetë faqja zyrtare e Komunës së Ferizajt në Facebook.

Ndonëse e kontrolluar vazhdimisht, disiplinës së punonjësve të administratës komunale, i pari i Ferizajt, Agim Aliu i shtoi edhe një masë të re.

"Të gjithë zyrtartët komunal dhe të institucioneve në vartësi të Komunës, të cilët nuk respektojnë orarin zyrtar të punës, pa arsye zyrtare, do të ndëshkohen në pagë dhe do t’i shqiptohet masë disiplinore. Madje për këtë, i pari i Ferizajt, Agim Aliu inkurajoi e ftoi qytetarët që të bëjnë denoncimet e tyre përmes shkresës së sotme dërguar gjithë zyrtarëve të Komunës së Ferizajt. Komuna e Ferizajt po shqyrton të gjitha mundësitë ligjore e financiare që për denoncimet e tyre, qytetarët të shpërblehen" thuhet në njoftim.