Ligji për Zyrtar Publik i cili ishte ligji i parë që shkoj në kushtetuese ka normuar depolitizimin e administratës përmes rregullimit të mekanizmave më të efektshëm të meritokracisë, tha koordinatori kombëtar për reformën shtetërore Besnik Tahiri.
Sipas tij ky Ligj rregullon marrëdhënien e shtetit dhe zyrtarit publik. Me fusheveprimin e këtij ligji garantohet siguri juridike për zyrtarët publik duke vendosur rregulla të qarta sa i përket pranimit dhe avancimit të zyrtarëve publik.
"Ky ligj ka ndal kontratat në vepër që ka qenë problem kronik i administratës së shtetit. Me këtë ligj kemi siguruar që zyrtari publik i shtetit të Kosovës të mbrohet sikurse në secilin vend të Evropës. Pezulimi i gjatë i këtij ligji e dëmton esencialisht reformën e shumëpritur të shërbimit civil. Pa dashur me u përzi, unë pres trajtim të shpejt dhe të drejt nga Gjykata Kushtetuese. Reforma nuk ndalet", tha Tahiri.
© SYRI.net